Pullman Residences Yerevan-ը իր լանդշաֆտային դիզայնը վստահում է Spectrum Georgia ճարտարապետական ընկերությանը

Հայաստան 2025 թվական, հունիս. Pullman Residences Yerevan-ը հայտարարում է նոր համագործակցության մասին վրացական Spectrum ճարտարապետական ընկերության հետ, որը հայտնի է իր նորարարական լուծումներով։

Համագործակցության շրջանակում, Spectrum ընկերությունը կղեկավարի Pullman Residences Yerevan-ի լանդշաֆտային դիզայնի հետ կապված ծրագրերը։ Ներդնելով իր տարիների փորձն ու հմտությունները՝ այս ընկերությունը կաջակցի տարածաշրջանում ամենասպասված նախագծերից մեկի իրագործմանը։

Spectrum ընկերության պորտֆոլիոն ներառում է բարձրակարգ բնակարանների, հյուրանոցային տարածքների և հասարակական ճարտարապետության բազմազան նախագծեր Եվրոպայում, Մերձավոր Արևելքում, Ավստրալիայում և ԱՄՆ-ում։ Spectrum ընկերությունը հայտնի է իր «Design & Build» մոտեցմամբ, որը շեշտադրում է արհեստավարժությունը, կայունությունը և բացառիկ ոճը։

«Spectrum-ի փիլիսոփայությունը՝ ստեղծել նորարարական լուծումներով էկոլոգիապես մաքուր միջավայր, լիովին համընկնում է Pullman Residences նախագծի մեր տեսլականի հետ, - նշել է Pullman Residences Yerevan-ի տնօրեն Տիգրան Մնացականյանը։ Մեզ ոգեշնչում է համագործակցությունը մի թիմի հետ, որը կիսում է մեր նվիրվածությունը՝ բնակելի համալիրում ապրելու փորձառությունը նոր մակարդակի բարձրացնելու գործում»։

Այս համագործակցությունը ևս մեկ անգամ ընդգծում է Pullman Residences Yerevan-ի նվիրվածությունը՝ Երևանում ստեղծելու. որակյալ ճարտարապետական գործ՝ համագործակցելով տարածաշրջանի լավագույն մասնագետների հետ։